Skipulagðar ferðir

Ferðaþjónustufyrirtækið Vaga er staðsett á Ljótarstöðum í Skaftárhreppi. Þar er rekið sauðfjárbú og heima við er líka að finna hesta, hunda, íslensk hænsni, sérvitran kött og myndarlegan geithafur.

Kind Adventure er lítið leiðsögufyrirtæki rekið af ungu pari. Boðið er upp á fjallahjólaferðir og jeppaferðir í nágrenni Kirkjubæjarklausturs.

Ferðafélagið leggur sig fram um að mæta þörfum breiðs hóps með miklu úrvali ferða. Í ferðaflóru félagsins er að finna allt frá söguferðum um grösugar sveitir til erfiðra jöklaferða. Í ferðaáætlun félagsins finna flestir eitthvað við sitt hæfi.

Á bænum Gröf í Skaftártungu er hægt að sjá þjálfaða Border Collie fjárhunda að vinnu við sauðfé. Gröf er staðsett rétt innan við vegamót vega 208 og 210 á leiðinni inní Hólaskjól og Eldgjá.

Í Skaftárhreppi eru fjölmargar veðiár og vötn. Hér er að finna mikið magn af sjóbirtingi.

Ferðafélagið Útivist býður upp á fjölbreyttar og skemmtilegar gönguferðir á hálendinu. Skemmtilegar gönguferðir um Strútsstíg, Sveinstind og Skælinga.

Íslenskir Fjallaleiðsögumenn bjóða uppá mikið úrval dagsferða sem og lengri ferða um allt land. Ferðir Íslenskra Fjallaleiðsögumanna henta breiðum hópi fólks, allt frá fjölskyldufólki til stærri hópa og einstaklinga. Íslenskir Fjallaleiðsögumenn hafa boðið íslenskum sem erlendum ferðamönnum uppá margverðlaunaðar jöklagöngur frá árinu 1994. Jöklagöngurnar eru framkvæmdar bæði á Sólheimajökli allan ársins hring og Svínafellsjökli. Útibú Íslenskra Fjallaleiðsögumanna í Skaftafelli er opið allan ársins hring.

Nonna og Brynjuhús er gistiheimili á Þykkvabæjarklaustri í Álftaveri við veg 211, 50 km vestan við Kirkjubæjarklaustur. Þar er boðið uppá svefnpokapláss og uppbúin rúm. Í húsinu er góð eldunaraðstaða. Einnig er boðið uppá gönguferðir um nágrennið með leiðsögn og bílferðir á fjöru eða þangað sem gesturinn óskar. Opið allt árið.