Vatnajökulsþjóðgarður

Vestursvæði Vatnajökulsþjóðgarðar liggur í hluta Skaftárhrepps. Svæðið er gífurlegt hálendisvíðerni og hefur að geyma einstakar jarðfræðimyndanir sem orðið hafa til við eldsumbrot í löngum gígaröðum eins og Lakagígar. Svæðið hefur að hluta þó náð að gróa upp með hinum viðkvæma íslenska mosa. Með þjóðgarðinum er leitast við að hjálpa gestum svæðisins að njóta þess án þess að ganga á minjar eldsumbrota og mosagróðurs.